Last Jedi Peningaseðill

Sérstakur peningaseðill var gefin út í tilefni að Last Jedi kom í kvikmyndahús. Peningaseðillinn var seldur á uppboðsveitunni Ebay. Hann var búinn til af fyrirtæki sem heitir De La Rue og er það þekkt fyrir að búa til gjaldmiðla fyrir tvo þriðju af löndunum í heiminum. Seðillinn var unninn í samstarfi við Great Britain campaign.

Seðillinn var búinn til að safna peningingum, vekja athygli og skapa merkilegar minningar fyrir veik börn. Allar tekjurnar sem koma frá sölu seðilins eru gefna til Together for short lives fyrir hönd Star Wars Force for change.

Um eitt þúsund seðlar voru seldir á hundrað pund á ebay, auk þess voru um fimmtíu sérstök útgáfa seðla til sölu.

Útgáfudagur Battlefront II

Útgáfudagur Battlefront II er 17.nóvember og kemur leikurinn á Pc,Playstation 4 og XboxONE. Í leiknum getur þú spilað margar af þeim persónum sem við þekkjum úr myndunum. Persónur eins og Luke Skywalker, Darth Vader, Rey, Kylo Ren, Chewbacca og fleiri.

Eins og komið hefur fram í þeim Youtube myndböndum sem eru hérna á vefnum, þá spilar þú Iden Versio í söguhluta leiksins. Hún er leiðtogi Inferno Squad sem er sérsveit Veldisins. Í leiknum þá fær spilarinn að spila frá sjónarhóli Veldisins.

Plakötin í forsögu myndunum

Margir höfðu beðið með öndina í hálsinum eftir Star Wars Episode I. Upprunalegu myndirnar byrjuðu í miðjum kafla, svo það var mikil eftirvænting eftir myndinni. Fyrsta plakatið sem búið var til fyrir myndina var nokkurs konar teaser plakat sem var gefið út ári áður en myndin kom.

The Phantom Menace
Advance Teaser Style „A“ 1998

Myndin á plakatinu gaf í skyn ákveðna framtíð með að sýna skugga af barni í formi Svarthöfða.Barnið er auðvitað Anakin Skywalker, sem var oft kallaður Anie í myndinni. Plakatið var hannað af grafíska hönnuðinum Ellen Lee, George Lucas var listrænn stjórnandi og Jim Ward markaðstjóri.

The Phantom Menace
Style „B“ & „C“ 1999

Þegar ég sá þetta plakat í fyrsta sinn þá velti ég fyrir mér sögunni og persónunum í myndinni. Ég hafði heyrt að sagan væri um uppruna Anakin Skywalker sem verður að Svarthöfða seinna meir eins og við þekkjum í upprunalegu myndunum.

Plakatið var teiknað af Drew Sturzan sem fékk sjá grófklippta mynd í kvikmyndasal Lucasfilm mánuðum áður en myndin var sýnd í kvikmyndahúsum. Hann segir að útgáfan af myndinni sem hann hafi séð vantaði mikið af því sem við sjáum í útgáfunni í dag og hann segist hafa gott ímyndunaraflið sem hafi auðveldað sér við það að sjá það sem vantaði. Þessi sýning hafi gefið honum góða tilfinningu fyrir myndinni og auðveldað við að teikna plakatið.

Ellen Lee var grafískur hönnuður, en George Lucas og Doug Chiang listrænnir stjórnendur. George Lucas hefur mikla aðdáun fyrir listforminu og hefur sagt að hann hafi viljað eitthvað mikilfenglegra og rómantískara en er hægt að fá með ljósmyndaraunsæi. Plakatið var notað fyrir myndirnar í öllum heiminum og var því ekki notað fyrir hliðar vörur eins og bækur, teiknimyndasögur eða umbúðir fyrir leikföng.

Attack of the Clones
Advance teaser Style „A“ 2002

Attack of the Clones gerist 10 árum eftir atburðina í Phantom Menace.
Rómantísk sýn George Lucas sést vel í þessu teaser plakati sem sýnir lögmál Jedanna fyrir ofan þau Anakin og Padmé. Leiðir þeirra liggja aftur saman. Plakatið sýnir það sem koma skal ást, reiði og hatur sem er eitthvað sem Jedi má ekki finna.

Attack of the Clones
Style „B“ 2002

Þetta plakat er í líkum stíl og plakatið fyrir Phantom Menace. Það var teiknað af Drew Sturzan og sýnir líkt og teaser plakatið Anakin og Padmé saman og einnig átökin sem eiga sér stað í vetrarbrautinni. Upphaflega var Count Dooku á plakatinu, en George Lucas ákvað að hafa hann ekki með í lokaútgáfunni á plakatinu. Aðrir sem koma að plakatinu eru Jim Ward varaforseti markaðsdeildar LucasFilm og Scott Erwert er listrænn stjórnandi.

Revenge of the Sith
Style „A“ 2005

Líkt og fyrri plaköt, þá er þetta plakat teiknað af Drew Sturzan. Rómantíska sýn George Lucas kemur fram í loka kafla Star Wars forsögunar sem þykir ein sú myrkasta af þeim. Hér sjáum við Svarthöfða í bakgrunninum og andlit Padmé, Anakin og Obi Wan fyrir neðan.

Handrit Carrie til sölu


Handritið sem Carrie Fisher notaði fyrir hlutverk sitt í Empire Strikes Back er til sölu. Því fylgja þrjú leðurbundin handrit sem voru gefið leikurum myndarinnar og voru undirrituð af George Lucas. Saman er áætlað að þau munu seljast á um 126.000 evrur, eða um 15.624.000 krónur. Í hverri síðu í handriti Carrie var merkt við samræður Leiu og Han með blýanti.

Bókin Star Wars Propaganda

Star Wars Propaganda er bók um hvernig öflin sem eru í myndunum nota áróður með sannfærandi skilaboðum til að hvetja og ógna. Bókin er skreytt mörgum myndum sem sýna hvernig áróður er notaður til að stjórna og hafa áhrif í geimnum. Veldið notar áróður til að sýna styrk sinn og viðhalda ótta á meðan Uppreisnin reynir að vekja hjá fólki von og vinna stuðning fyrir baráttu sína.

Force Friday II

Þá er Force Friday II gengin í garð og mætti halda að jólin væru komin, alla vega fyrir Star Wars aðdáendur. Í dag kynntu fyrirtæki nýjar vörur sem tengjast The Last Jedi og beðið hefur verið með óþreyju og það hefur verið slegið á puttana á þær aðdáendasíður sem reynt hafa að birta myndir(leka) af þeim. Það er ekkert skrítið enda mikil vinna hjá þessum fyrirtækjum sem er í húfi og ber það kannski að virða.

Nú er komið að stóra deginum og allar aðdáendasíður geta loksins sýnt það sem svo lengi hefur verið beðið eftir. Hvað var það sem ekki mátti fjalla um fyrir fyrsta september ? Það tengist persónum og vélmönnum í myndinni.

Sérstaklega á þetta við um hin illa tvíbura BB-8, svarta First order vélmennið BB-9E sem leikfangafyrirtækið Sphero býr til. Það er ekki eina vélmennið sem þeir búa til og eru R2-D2 og BB-8 líka fáanleg. Þú stýrir þeim með snjallsíma í gegnum app og getur líka skoðað viðmót sem er líkt Pokemon GO til að skoða Star Wars heiminn.

Star Wars fígúrur eru fyrir löngu orðnar klassískar og nú bætist í safnið fleiri fígúrur úr Last Jedi.Disney Store býr til Elite Die Series Cast Action Figures. R2-D2, Luke, Kyle og Rey þekkjum við, en First Order Judical Stormtrooper og Preatorian Guard eru persónur sem við eigum greinilegar eftir að kynnast í nýju myndinni.

Praetorian Guard er líka fáanlegur frá Jakks

Það eru margar persónur sem við þekkjum úr myndunum og Hallmark býr til Itty Bitty plush dúkkur af persónunum sem við þekkjum úr myndunum. Supreme Leader Snoke fáum við nú að sjá betur í gulum klæðum og Praetorian Guard dúkka er líka fáanleg. BB-9E vélmennið er líka fáanlegt.

Við sjáum líka BB-8 og Rey ásamt Praetorian Guard í formi skrauts ásamt BB-8 bolla frá fyrirtækinu Keepsake Ornament.

Svo skal ekki gleyma að hægt er að fá þetta líka í formi gæludýra frá Petco og er þá Porg sennilega á óskalistanum hjá mörgum. Þessi dýr koma víst fyrir í Last Jedi. þá er líka hægt að fá geimskip eins og Tie og X-wing og líka AT-AT.

Það eru fleiri fyrirtæki sem búa til vörur sem tengjast Porg eins og Northwest sem býr til Porg púða og teppi með Chewbacca ásamt Porgs.

Leikfangafyrirtækið Hasbro býr til leikfangið Force Link BB-8 2 in one megaset. Með leikfanginu er hægt að búa til hljóð,ljós og setningar sem tengjast myndinni.

Þetta er armband fylgir Force Link og hægt er að nota til að búa til setningarnar sem tengjast Last Jedi. Hægt er að nota fígúruna sem er Kylo Ren til að búa til alls konar hljóð þegar hún er nærri armbandinu. Í dag hafa fyrirtæki kynnt nýjar vörur sem þau er að selja og tengjast Last Jedi og ættu að komast á óskalistann hjá mörgum fyrir komandi jól.