Leikstjóradrama episode 9 – Colin hættur og JJ. Abrahams snýr aftur

Uppfært: ný dagsetning – Episode 9 kemur ekki út fyrr en 20.desember 2019.

Ef það er eitt sem vantar ekki hjá Lucasfilm þá er það leikstjóradrama. Þrátt fyrir að ekki séu það margir mánuðir síðan að skipt var um leikstjóra í brúnni fyrir Han Solo myndina og Ron Howard tekið við, þá hefur nú einnig verið skipt um leikstjóra fyrir episode 9 og enginn annar J.J Abrahams sem snýr aftur en hann leikstýrði einnig The Force Awakens. JJ.Abrahams byrjaði semsagt nýja þríleikinn og mun einnig enda hann.

Það er þó engan veginn hægt að segja að það hafi komið eins og þruma úr heiðskýru lofti að Colin Trevorrow skyldi hafa verið látinn fjúka, þar sem þegar hafði verið mikið drama verið í kringum hann eftir að nýjasta mynd hans Book of Henry kom út sem fékk arfaslaka dóma hjá gagnrýnendum og var í raun strax þá verið að krefjast þess að Trevorrow yrði rekinn. En þar sem það var ekki gert var nú talið að Colin fengi að klára verkefnið sem hann hóf fyrir tveimur árum síðan, þrátt fyrir að þrýst hafi verið mjög á Lucasfilm að láta hann fara en nú er svo komið á daginn að Kathleen hjá Lucasfilm fékk greinilega nóg og lét hann fara. En eftir að Colin var látinn taka pokann sinn, tókst The vulture að taka finna innanbúðar upplýsingar sem sýndu fram ástæðuna fyrir brottrekstri hans en svo virðist vera sem hann sé frekar erfiður í samskiptum auk þess sem eitthvað vandamál var með handritið. Ekkert er þó vitað með vissu um ástæðuna og það eina sem við í raun vitum er að J.J er tekinn við, eftir nokkra daga vangaveltur þar sem JJ. og Rian Johnsson, leikstjóri the Last Jedi voru efstir á leikstjórablaðinu þó að Rian væri fljótur að slá þær hugmyndir út af borðinu.

Colin virðist þó ekki vera sá eini sem þurfti að taka pokann sinn, þar sem Jack Thorne er ekki lengur titlaður sem handritshöfundur en hann var kallaður til fyrir um mánuði síðan fyrir endurskrif, heldur í staðinn er JJ. Abrahams ásamt Chris Terrio (Argo, Batman vs. Superman og Justice League). Hins vegar hefur ekkert verið talað um að hann hafi verið látinn fara og því spurning hvort að Lucasfilm gleymdi að nefna hann en það er frekar ólíklegt og líklegra að þetta sé svipað og gerðist með Force Awakens handritið þar sem Michael Arndt var rekinn og JJ nefndi hann bara einu sinni í viðtali.

Þetta á allt eftir að skýrast en eitt er víst episode 9 er aftur kominn með leikstjóra og ætti því að fara í tökur fljótlega á næsta ári, þó að eflaust verið einhver seinkun á því að byrja tökur í ljósi þess að eitthvað verði krukkað í handritinu. Myndin er þó enn væntanleg 25. maí 2019. (uppfært! Sýningu myndarinnar hefur verið frestað til 20.desember 2019. Óvíst er hvenær tökur byrja þar sem endurskrifa þarf handritð – jafnvel byrja upp á nýtt. Uppfært! Tökur hefjast í júní 2018.)

En þrátt fyrir allt dramaið sem hefur verið í kringum Episode 9, þá styttist í að hin dramafría (á bak við tjöldin, myndin sjálf verður auðvitað stútfull af fjölskyldudrama og látum!) The Last Jedi komi út, þann 15.desember, og vonandi að næsta sýnishorn komi núna í október, mögulega 16.október í auglýsingahléi í ruðningsleik eins og var með The Force Awakens. Nú er bara að bíða og sjá…

Rey vantar enn í Star Wars Monopoly (Bandaríkjunum)

Það vekur mikla furðu að enn skuli það vera eitthvað tiltökumál að hafa „kvenkynsdótafígúrur“ enn er því haldið fram að mest af dótamarkaðinum sé fyrst og fremst fyrir stráka sem er kolrangt, enda leika vilja stelpur alveg eins leika sér með eitthvað annað en dúkkur (ritstjórinn var ein af þeim) og þá sérstaklega Stjörnustríðsdót (og þá er átt við alla persónurnar! Til að geta haft almennilegan bardaga og umm…annað). Því olli því mikilla hneykslan að Rey, aðalhetjuna, kvenhetjuna vantaði í The Force Awakens dótinu lengi framan af, þó að sem betur fer hafi mikið verið bætt úr því eftir að fólk reis á afturlappirnar til að mótmæla en tvær skýringar hefðu verið gefnar fyrir þvi að Rey væri ekki með, annars vegar út af því að það væri ekki markaður fyrir hana og hins vegar að þeir óttuðust söguþráðsleka, áður en myndin kom út. Seinni skýring er góð og gild, þar sem Rey með geislasverð er risaspillir en aðstandendur Force Awakens höfðu mikið fyrir því að plata fólk með því að hafa bara Finn með geislasverð í allri markaðsherferðinni en það var mjög snjallt af henni.

Það var gengið svo langt til að koma í veg fyrir spilla að hana vantaði meira segja í nýja Falcon dótinu, þrátt fyrir að hún sé nýi eigandinn en það er líklegast vegna þess að rétt eins og Rey með geislasverð, þá hefði þetta líka verið risa spillir…

Seinni skýringin um söguþráðslekann, var sú sem að Hasbro gaf lengi fyrir því að sjálfa Rey vantaði í nýja Star Wars monop0ly, en meira segja Svarthöfði var þar (ekki að neinn sé að kvarta yfir því) en hann var ekki einu sinni í myndinni nema sem hjálmur. Hins vegar þegar ekkert bólaði á Rey þrátt fyrir að myndin væri löngu komin út sem vakti meðal annars hneykslan leikstjórans, þá kom aftur upp markaðskýringin en þetta skiptið að búðirnar vildu hana ekki, þar sem þær ættu enn of mikið af hinum birgðunum. Hins vegar er hægt að hafa samband við Hasbro sem býr til leikinn og fá styttuna sér. Athygli vekur þó að annars staðar en í Bandaríkjunum var Rey orðin hluti af spilinu en framleiðendur gleymdu að láta fólk vita að það þyrfti að panta Rey sér. Pínu klúður þar á ferð…

 

Sem betur fer virðist þeir hafa lært af mistökunum sínum, með Forces of Destiny og eins sjá má hér að neðan auk þess sem Rey er líka í The Last Jedi dótinu en eitthvað af því verður sýnt á D23 (Disney ráðstefnunni), sem verður um helgina ásamt því eitthvað verður um Star Wars frétttir, á bak við tjöldin sýnishorn fyrir The Last Jedi ásamt vonandi Han Solo fréttum.

Rey – Kylo

Episode VII: The Force Awakens

 

Episode VII: The Force Awakens (Mátturinn Vaknar) er fyrsta Star Wars myndin sem Disney gerir og sem að George Lucas, skapari þess kemur ekki nálægt, þar sem öllum hans hugmyndum var hafnað, eflaust vegna þess hversu forsögunnar (“ the prequels“)  þóttu mistækar en þrátt fyrir það, eru engu að síður kunnugleg stef og gamlir vinir í myndinni. Hún er í leikstjórn J.J Abrahams sem er mikill Stjörnustríðsaðdáandi auk þess það er valinn maður á hverjum stað en mikið af því fólki sem vann við gömlu myndirnar tók þátt (Lawrence Kasdan, handritshöfundur osfrv.) og ásamt að fullt af nýjum komu inn, sem hafa tekið að mestu við og verða við stjórnvöllinn í nýju myndunum.

Aðalsöguþráður myndarinnar er að finna Luke Skywalker síðasta Jedi, áður en The First Order finnur hann en hetjur myndarinnar hafa undir höndum kort, falið inni í hinum nýja R2, litlu krúttlegu kringlóttu vélmenni að nafni BB-8, sem vísar leiðina að felustað hans. Að geyma kort inni í vélmenni svipar til hvernig Helstirnis áætlun var falin inn í R2D2 og var einmitt helsta leiðarstefið í Episode IV: A New Hope.

Episode VII gerist u.þ.b þrjátíu árum eftir lok Episode VI:The Return of the Jedi og því eru kynntar til sögunnar ný kynslóð af hetjum og illmennum sem eiga rætur sínar að rekja til þeirra sem á undan komu og því miður virðist sagan ætla að endurtaka sig, þrátt fyrir alla vinnuna sem gömlu hetjurnar lögðu á sig til að sigra Keisaraveldið.

Í stað Keisaraveldisins er komin ný ógn sem kallast The First Order og er nú einhver dularfullur æðsti leiðtogi (supreme leader) Snoke (leikin af Andy Serkis) í stað keisarans Palpatine/Darth Sideous og lítið er vitað er um, fyrir utan að hann lítur út eins og stærðarinnar geimvera og rétt eins og Palpatine, er hann með minnsta kosti einn lærling frá myrku hliðinni, hinn dularfulla og unga Kylo Ren (Adam Driver), sem ver grímu og klæðist svörtu og er með rautt geislasverð. Hann er því hinn nýi Svarthöfði eða reyna vera það, enda kemur í ljós að hann dýrkar hann og leitar meira segja eftir leiðsögn frá hjálmi hans. Það sem skilur þó mest hvað Kylo og Svarthöfða að er að Kylo er að berjast við ljósið og reyna komast sem næst myrku hliðinni og því felur Snoke honum verkefni sem mun, vægast sagt, reyna á hann persónulega þar sem það snertir fjölskyldu hans.

 

Auk Kylo, er í vonda liðinu hinn nýi Grand Moff Tarkin, Armitage Hux sem sér um þjálfun á hinum nýju hermönnum og Captain Phasma, kona sem klæðist brynju og hjálmi  og er yfir herdeildinni sem ein af nýju hetjum okkar Finn er í, en meira um hann síðar. Rétt eins og hvernig Keisaraveldið var með Helstirni, þá er First Order með Starkiller base sem tekur út heilt sólkerfi í stað einnar plánetu en lokauppgjör myndarinnar fer einmitt fram á þeirri skelfilegu plánetu.

Til að stemma við stigu við þessari vaxandi ógn uppreisnarlið undir stjórn Leiu Organa sem hefur fundið út hvar kortið sem leiðir til bróður hennar, Luke en hún þarf nauðsynlega á hjálp hans að halda til að berjast við First Order.  Í byrjun myndarinnar er einn af þeim, sem er ein af hetjunum okkar í Episode VIII en her meira bara mikilvæg aukapersóna hérna, Poe Dameron (Oscar Isaac), X-wing flugmaður við það að taka við kortinu úr höndum Lor San Tekka, gömlum vini Leiu, þegar First Order mætir á svæðið með Kylo Ren í fararbroddi og rétt nær að koma kortinu inn í BB-8 og senda vélmennið burtu á meðan hann er sjálfur handsamaður eftir blóðugan bardaga við þorpsbúana.

Þá víkur sögunni að nýju aðalpersónunni okkar, henni Rey (Daisy Ridley), ungri konu sem er skransali og var skilinn eftir á eyðimerkur plánetunni Jakku af einhverri ástæðu þegar hún var lítil og óskar þess helst af öllu að fjölskyldan hennar (sem er algerlega á huldu hver er), komi til baka en líf hennar er hið ömurlegast, þar sem hún vinnur fyrir ófrýnilega geimveru Unkar Plutt að nafni sem skammtar henni nánasarlega að Rey nær varla að sefa hungur sitt yfir daginn. Hana dreymir því um betra líf en á sama tíma vill hún ekki yfirgefa Jakku, ef ske kynni að fjölskylda hennar myndi snúa aftur en það er eina sem heldur í henni voninni.

Finn (John Boyeaga) eða eins og hann kallaðist áður, FN-2187 (sem er vísun í fangaklefa Leiu í New Hope)  er annar af nýju hetjum okkar en hann var stormsveitarmaður í röðum The First Order og fáum við því fyrsta skipti að sjá andlit á bak við hinar velþekktu brynju, að þeir eru ekki bara nafnlausir hermenn sem falla í bardaga og öllum er sama um, þó að þeir hugsaðir þannig að það eigi að vera auðvelt að skipta þeim ut. Þrátt fyrir að storsveitarmenn eða First Order hermenn eins og þeir kallast í dag er hins vegar rænt frá fjölskyldum sínum í barnæsku og heilaþvegnir til þess að vinna fyrir First Order, þá fær Finn strax nóg í sínum fyrsta bardaga sem gerist á Jakku, að við fyrsta tækifæri frelsar hann Poe Dameron úr fangaklefa og þeir flýja saman, Poe til þess að finna vélmenni sitt, BB-8 og þar með endurheimta kortið til Luke en Finn til að sleppa frá First Order…

Rey er óvænt dregin inn í ævintýrið, ekki ósvipað og hvernig gert var við Luke þegar BB-8 sem er á flótta undan The First Order kemur beint til hennar. Auk þess er Rey bókstaflega dregin af stað af fyrrum stormsveitarmanninum Finn, þar sem þau neyðast til að flýja undan loftárás TIE-figthers sem leiðir þau til Millenium Falcon, sem seinna meir leiðir þau beint til Han Solo og Chewie og hefst þá ævintýrið fyrir alvöru, þar sem Rey uppgötvar meðal annars smá saman meira um sig og það að hún hafi máttinn. Ævintýri myndinnar endar í epísku lokauppgjöri við First Order, geislasverðabardaga við Kylo Ren og loks með fundi við Luke.

En nýja sagan er þó bara rétt að hefjast, enda fullt af spurningum sem er ósvarað (Hver er Rey, hver er Snoke osfrv…?) og heldur áfram í Episode VIII: The Last Jedi sem kemur út 15.desemeber á þessu ári. Persónulega getur greinarhöfundur ekki beðið eftir að sjá framhaldið!

 

Nýjar persónur: Rey, Finn, Poe, BB-8, Kylo Ren, Snoke, Hux, Captain Phasma, Maz Kanata osfrv.

Nýjar plánetur: Jakku, Takodana, Starkillerbase.

 

 

 

 

The Force Awakens kemur út á mynddiski

The Force Awakens gekk vel í kvikmyndahúsum og hefur halað inn yfir 2.063 milljarða dollara. Hún er í þriðja sæti yfir þær myndir sem hafa halað inn mestum tekjum á heimsvísu. Nú styttist í að myndin komi á markað fyrir mynddiska.

Myndin mun koma þann 18. Apríl á Blu-ray og Dvd og er hún þegar komin efst á lista hjá mörgum netverslunum sem hafa tekið við forpöntunum fyrir myndina. Það er því ljóst að Star Wars aðdáendur geta horft á myndina aftur og þeir sem eiga enn eftir að sjá myndina geta horft á hana í fyrsta sinn.

The Force Awakens tilnefnd til Óskarsverðlauna

Tilnefningar til Óskarsverðlauna voru birtar í dag. The Force Awakens hlaut 5 tilnefningar í eftirfarandi flokkum.

Klipping – Maryann Brandon og Marty Jo Markey
Frumsamin tónlist – John Williams
Sjónrænar tæknibrellur – Roger Guyett, Patrick Tubach, Neal Scanlan, og Chris Corbould
Hljóðklipping – Matthew Wood og David Acord
Hljóðblöndun – Andy Nelson, Christopher Scarabosio, og Stuart Wilson

Þetta eru flestar tilnefningar sem Star Wars mynd hefur fengið síðan fyrsta Star Wars myndin kom árið 1977, enn hún fékk 10 tilnefningar og vann sex Óskarsverðlaun.

The Force Awakens frumsýnd í Kína

The Force Awakens heldur áfram að vinna sig upp tekjulistann og er komin í yfir 800 milljón dollara í Bandaríkjunum. Á heimsvísu er hún með 1,7 milljarða í tekjur og er í þriðja sæti yfir efstu myndir.

Myndin var forsýnd um helgina í Kína og var með 53 milljón dollara í tekjur. Tvær nýjar myndir komu inn á topp tíu listann yfir tekjuhæstu myndir fyrir helgina. Myndin Revenant með Leonardo Dicaprio var í öðru sæti og myndin The Forest var í fjórða sæti.

The Force Awakens tekjuhæsta myndin

The Force Awakens nálgast nú efsta sætið yfir tekjuhæstu myndirnar í Bandaríkjunum og er aðeins 20 milljón dollara frá því. Myndin hefur halað inn 740.2 milljónum á 17 dögum og er sú fljótasta til að ná 700 milljón dollara markinu.Í efsta sætinu situr myndin Avatar með 760,3 milljón dollara, en það er líklegt að The Force Awakens gæti stolið sætinu á þriðjudaginn.Þá verður hún tekjuhæsta myndin í Bandaríkjunum. Myndin situr í sjötta sæti yfir tekjuhæstu myndirnar í heiminum með 1,5 milljarða dollara.