Star Wars: Galaxy of heroes (farsímaleikur)

Star Wars, Galaxy of Heroes er ókeypis Android leikur sem er spilanlegur á snjallsímum og ipad. Hann er í stöðugri uppfærslu sem þýðir að nýjar hetjur, óvinir og borð eru sífellt bætast við og þar sem það er óragrúi af persónum í Star Wars (í öllum miðlum) er það nánast endalaust verkefni.

Hverri persónu er skipt upp í light eða darkside, hefur sína eiginleika, er raðað eftir styrkleika og því hærri stjörnur sem þær hafa því öflugri eru þær en þú getur einnig styrkt veikari persónur með því að finna þeirra „charactershards“ (persónugler) og gera „promote.“ Svo virðist sem þú getir einnig fengið skip en það er fyrir lengra komna.

Leikurinn tekur sinn tíma, þetta er ekki leikur sem þú klárar á einum degi heldur á mánuðum eða jafnvel árum…en hann er þess virði!

Það þarf að hafa mikið fyrir hlutunum og sérstaklega til að fá nýjar persónur (það er langur vegur að þeim allra öflugustu), þannig að það er kannski langt í að þú fáir uppáhalds persónuna þína en það gerir það verkum að það hvetur mann áfram til að spila og maður getur spilað sömu borðin ákveðið oft til að fá verðlaun. En til þess að fá persónu þarftu að safna „charactershards“ (persónuglerjum) með því að spila borðin í erfiðasta erfiðleikastiginu, sem er ekki hægt fyrr en þú hefur sigrað öll borðin í viðkomandi heimi eða fara í Cantina battles og vonast til að fá einhver þar. Að sjálfsögðu er hægt að fara styttri leið og kaupa svokallað datapad sem inniheldur ýmsar persónur, svo þitt er valið hvort þú farir þá leið eða löngu, erfiðu en hina, skemmtilegu leiðina.

ATH! Eftir að þú kemst á level 15 verðurðu verðlaunaður með þeim möguleika að geta fengið tímabundna hjálp, sem þýðir að þú getur notast við persónu sem þú átt ekki. Það kemur sér afar vel þegar maður á ekki margar persónur og stundum fær maður mjög öflugan bandamann sem er snilld.

Þú getur líka gengið til liðs við „guild“ og sent út hjálparbeiðnir. Eða bara ákveðið að takast á við verkefnin á eigin spítur. Þitt er valið. 🙂

Í byrjun leiksins eru möguleikarnir hins vegar afar takmarkaðir, þú byrjar með fáar persónur en færð sjálfan Luke Skywalker reyndar frían sem er gott, þar sem hann er öflugur, þó hann sé reyndar ekki kominn með geislasverð og smá saman bætist í lið þitt. En leikunum er skipt upp í nokkra mismunandi bardaga, Light side, Dark side og Cantina battles, plús að fleiri bætast við eftir því sem þú „levelar“ upp sem gerist með því að spila sem mest og vinna.

Þú færð líka ýmislegt í verðlaun með því að klára verkefni, auk þess að ýmislegt leynist í sendingum sem þú færð, en þú ert með ákveðna gjaldmiðla innan leiksins, kristala, credits og svo er orka sem eyðist eftir því sem þú spilar meira en þú færð auka orku. Ýmislegt skýrist best á því að spila leikinn en hann er duglegur að kenna manni, þannig að þú festist aldrei.

En helsti munurinn á bardögunum er að Light er bara fyrir light side persónur sem eru að berjast á móti darkside og darkside, sem opnast ekki fyrr en þú hefur náð tólfta borði, plús safnað þremur darkside persónum. Hins vegar er Cantina battle frjálst, þar geta allir verið saman og á móti hverjum sem er en þeir bardagar eru töluvert erfiðari, enda ýmislegt í verðlaun fyrir að vinna þá.

Leikurinn svipar meðal annars til Final Fantasy að því leytinu til að hann er „turnbased“ sem þýðir að hver og einn af liðinu þínum þarf að bíða eftir að fá að gera og er að mörgu leyti líkur skák, að fyrst gerir þú og svo andstæðingurinn. En ólíkt skák færðu jafn margar umferðir og þær hetjur sem þú ert með, því reiðir á að hafa sem flesta á móti sem fæstum eða allavega nógu sterka meðlimi sem geta staðið upp í hárinu á andstæðingunum. Því reiðir á að kunna vel á eiginleika hverrar persónu til að nota þá vel en sumir geta læknað og því reiðir á að þeir komist heilir á leiðarenda, ef þú vilt eiga einhverja möguleika á móti sterkustu andstæðingunum.

En það sem flækir málin verulega er að hvert borð eru þrjár lotur plús „Final encounter“ (lokaandstæðingurinn) og því reiðir á að komast af með sem flesta úr liði sínu í hverri lotu (sérstaklega þann sem getur læknað!), því annars mætir þú ofjarli þínum í lokaumferðinni. Það er fátt eins svekkjandi og vera komin alla leið á leiðarenda og tapa þar, því að það þýðir að þú þarft að gera allt borðið aftur. Sem betur er hver umferð ekki það löng og þú getur ráðið hraðanum, þannig að hver umferð gengur hraðar fyrir sig.

Að lokum færðu svo stjörnugjöf eftir því hvernig þú hefur staðið þig, ef þú hefur náð öllu liðinu þínu gegn þá færðu þrjár stjörnur en minnsta stjörnugjöfin er ein stjarna. Það hvetur mann til þess að fara aftur í borðin, auk þess sem þau eru ekki það löng að það hentar vel að fara aftur í auðveld borð til þess að safna gjaldmiðlunum, credits og kristölum, sem hjálpar til við að uppfæra persónurnar þínar sem er nauðsynlegt ef því sem þú kemst lengra. Leikurinn gengur því mikið út á herkænsku, þolinmæði en maður lærir af ósigrum sínum og hvernig best að raða persónum sínum upp á móti hverjum.

Þetta er stórskemmtilegur leikur, þó að maður þurfi að hafa fyrir ýmsu í honum en maður lærir mest að því að spila hann, þar sem ýmislegt virkar flóknara í texta en það í raun veru er. Hann hentar einstaklega vel til þess að spila stutt í einu, ef mann langar til þess að gera eitthvað sem er ekkert allt of flókið en þú hefur samt langtíma markmið. Það poppar líka ýmislegt óvænt upp eftir því sem maður kemst lengra, maður er sífellt að læra á hann. Það borgar sig að fá sem mest XP og komast á næsta stig, því að það hjálpar manni að komast lengra og opnar fyrir fleiri skemmtilega möguleika.

Mæli því eindregið með honum. Hann er ókeypis og fæst á apple og google playstore. 😉

Saturn verðlaunin – Rebels og Rogue One sigurvegarar!

Rogue One og Rebels fóru klifjaðir heim af verðlaunum af fertugustu og þriðju Saturn verðlaunahátíðinni sem haldin var í Burbank Kaliforníu.

Rogue One fékk verðlaun fyrir Best Science Fiction Film Release og Best Film Visual / Special Effects en hún var auk þess tilnefnd fyrir bestu förðun, búninga, tónlist, framleiðslu og klippingu.  Auk þess sem leikarnir Felicity Jones (Jyn Erso) og Diego Luna (Cassian Endor) voru tilnefnd fyrir leik sinn í myndinni, hún sem besta leikkona og hann fyrir besta aukahlutverk.

Gareth Edwards tók verðlaunin bestu leikstjórn.

Rebels sem mun byrja sín fjórðu og síðustu þáttaröð seinna á árinu fékk bestu verðlaun fyrir, bestu teiknimyndaseríu eða sjónvarpskvikmynd.

Hér fyrir neðan má sjá myndir af atburðinum. Við óskum þeim innilega til hamingju með verðlaunin!

Rogue One: A Star Wars Story

Myndin er sjálfstæð mynd(Anthology) sem gerist á milli Episode III og Episode IV. Hugmyndina fyrir söguna kom John Knoll með og starfar hann hjá ILM sem er myndbrellufyrirtæki Lucasfilm. Rogue One er nafnið á geimskipinu sem Uppreisnin stal og notaði til að ferja hóp hermanna til plánetunnar Scarif og stela teikningum af Helstirninu sem minnst er á í upphafstextanum á A New Hope. Engir upphafstextar koma í byrun Rogue One sem gæti einkennt sjálfstæðu Star Wars myndirnar.

Þessi hugmynd að gera sjálfstæða mynd nefnist á ensku „spinoff“ og væri hægt að þýða á íslensku sem hliðarmynd. Það eru myndir sem gerast í sama heimi en eru fyrir utan söguþráð myndanna um Skywalker fjölskylduna. Þetta getur verið ein af ástæðunum fyrir að Disney keypti Lucasfilm til að sjá hvað annað er í Star Wars heiminum en aðal sagan. Fyrsta Star Wars hliðarmyndin var gerð fyrir um 40 árum og var fyrir sjónvarp það var árið 1978. Myndin heitir Star Wars Holiday Special. Það voru líka gerðar tvær framhaldsmyndir fyrir vídeó. Caravan of Courage: An Ewok Adventure(1984) heitir fyrri myndin, en framhaldsmyndin heitir Ewoks:The Battle for Endor(1985).


Rogue One: A Star Wars Story er fyrsta sjálfstæða myndin sem Disney gerir og það verða fleiri og er Han Solo: A Star Wars Story (ekki vitað hvort þetta sé endalegur titill) önnur sjálfstæð mynd sem kemur í kvikmyndahús í maí á næsta ári og svo væntanlega mynd um Boba Fett. Þessar myndir eru að sömu stærð og Star Wars myndirnar sem við þekkjum og er jafnmikið lagt í þær. Þær kosta upp í 200 milljón dollara í framleiðslu og margir þekktir leikarar og leikstjórar koma að gerð myndanna.

Fyrir Rogue One þá varð Gareth Edwards fyrir valinu sem leikstjóri og er hann þekktur fyrir sjálfstæðu myndina Monsters og Godzilla myndina. Ekki er hann aðeins reyndur leikstjóri heldur mikill Star Wars aðdáandi sem er hægt að segja að séu einar af kröfunum sem gerðar eru. Leikararnir í myndinni koma frá mörgum löndum sem gæti verið óvenjuleg fyrir Star Wars mynd og margar stórmyndir. Í leikarahópnum eru leikarar frá Bretlandi, Danmörku, Mexíkó, Bandaríkjunum, Kína, Hong Kong og Ástralíu.

Felicity Jones sem var í Theory of Everything leikur Jyn Erso sem hefur mátt reyna margt og lifir af á glæpum þangað til að Uppreisnin vill fá hana í mikilvægt verkefni. Daninn Mads Mikkelsen leikur föður hennar vísindamanninn Galen Erso sem er handsamaður af Veldinu í byrjun myndarinnar á plánetunni Lah’mu. Lyra, Mamma Jyn deyr, en Jyn sleppur undan Veldinu. Galen er látinn vinna að Helstirninu og hann setur í hana galla til að hægt sé tortíma henni í formi útblástursops.

Myndin er um það hvernig Jyn og félagar hennar reyna að stela teikningunum af Helstirninu. Félagar Jyn eru leiknir af Diego Luna sem leikur Cassian Andor sem er flugmaður og foringi í uppreisninni og Alan Tudyk sem margir kannast við úr Firefly og leikur vélmennið hans K-2SO, öryggisvélmenni Veldisins sem hefur verið endurforritað til að þjóna Uppreisninni.

Donnie Yen leikur Chirrut Imwe blindan munk sem trúir á máttinn með allri sinni orku og Wen Jiang sem leikur félaga hans Baze Malbus sem er bardagamaður.Riz Ahmed leikur Bodhi Rook flugmann fyrir Veldið sem hefur svikið lit og reynir að koma mikilvægum upplýsingum til uppreisnarinnar. Saman takast þau á við Veldið sem heldur um tögl og hagldir á vetrarbrautinni og leikur Ben Mendelsohn, Orson Krennic sem stjórnar byggingu Helstirnisins.

Forest Whitaker leikur Saw Gerrera, öfgafullan uppreisnarsinna sem var í Uppreisninni og er gamall vinur Galen og ól Jyn upp eftir að pabbi hennar var handsamaður af Veldinu og neyddur til að vinna að Helstirninu. Tveir leikarar voru tölvugerðir og var Peter Cushing sem lést árið 1994, endurlífgaður með tölvutækninni til að leika Grand Moff Tarkin sem var líka leikin af Guy Henry og ung Leia var í lok myndarinnar. Vélmennin C-3PO og R2-D2 eru einnig í einu atriði í myndinni.

Myndin er miklu myrkari en fyrri myndirnar og meiri stríðsmynd þar sem hugrekki fámenns uppreisnarhóps er þeirra aðalvopn og engir Jedar nálægir. Allt þetta heyrist í tónlistinni í myndinni sem endurspeglar atburðarrásina. Tónlistina í myndinni gerir tónskáldið Michael Giacchino og tekur hann við af John Williams, enda hefur hann nóg að gera við að semja tónlistina fyrir The Last Jedi.

Það var Greg Fraser sem sá um myndatöku fyrir myndina og hefur hann gert myndir eins og Zero Dark Thirty. Myndin var tekin upp eins og kvikmyndatökuliðið væri á stríðssvæði til gefa þannig tilfinningu fyrir myndinni. Hún gerist á tímum átaka og er Veldið að vaxa á meðan Uppreisnin reynir að standa saman. Söguna að myndinni skrifa John Knoll og Gary Whitta og handritið skrifar Chris Weitz sem hefur skrifað fyrir myndir eins og Golden Compass og About a Boy.

Það var Tony Gilroy sem skrifaði fyrir Bourne myndirnar sem var fengin til að vinna að endurskotum. Þær voru hluti af kvikmyndaferlinu og sýnir að kvikmyndagerðarfólkið hafði mikinn metnað fyrir myndinni og auðvelt að ímynda sér að margir sem unnu að myndinni séu Star Wars aðdáendur og vilji skapa eitthvað sem þá hefur dreymt um frá barnæsku.

Það sést vel þegar horft er á myndina að gæðin eru mikil. Þetta er eitthvað sem við sem aðdáendur viljum sjá og ef þær sjálfstæðu Star Wars myndir sem gerðar verða í framtíðinni eru svona þá eigum við von á góðu. Næsta sjálfstæða Star Wars mynd, Han Solo: A Star Wars Story kemur 25. maí 2018 og nú er bara að bíða og fylgjast með fréttum um myndina.

Rouge One fær 9 tilnefningar á Three Empires Award


Nú er tími verðlaunahátíða farin af stað og er Three Empires Award ein af þeim. Verðlaunahátíðin er haldin af breska tímaritinu Empire og verður hún haldin sunnudaginn 19.mars. Rouge One leiðir þar með 9 tilnefningar og fær hún tilnefningar í eftirfarandi flokkum. Felicity Jones er tilnefnd sem besta leikkonan og Riz Ahmed er tilnefndur sem besti nýi karlleikarinn.

Myndin fær tilnefningar sem besta myndin, Gareth Edwards fær tilnefningu sem besti leikstjórinn og hún fær einnig tilnefningar sem besta sci-fi/fantasy, besta búningahönnun, besti farði og hárstíll, bestu sjónbrellurnar og bestu framleiðslu hönnunina.Aðrar myndir sem einnig eru tilnefndar eru The Arrival með 7 tilnefningar og La La Land og Deadpool með 5 tilnefningar hvor.

Á http://www.empireonline.com/movies/news/2017-three-empire-awards-nominations-announced/ getur þú tekið þátt í að kjósa þá sem eru tilnefndir á verðlaunahátíðinni.

Titlinn á 8 og Rogue One óskarsverðlaunatilnefningar

Það hefur heldur betur borið til tíðinda í Star Wars heiminum. Fyrst ber að nefna að Episode 8 hefur loksins hlotið nafn og mun hún bera nafnið „The last Jedi“ en hér eru fleiri fréttir og upplýsingar að finna um „The Last Jedi.“

Nú hafa verið tilkynntar óskarsverðlaunatilnefningar og er Rogue One þar á meðal, með tvær tilnefningar hljóð-og tæknibrellur.

Þetta er ekki í fyrsta sinn sem Star Wars mynd er tilnefnd og hafa þær meira að segja unnið Óskar. Episode V: The Empire Strikes Back vann á sínum tíma fyrir hljóðbrellur en Episode VI: A New Hope hefur unnið langflesta Óskara og fengið langaflestar tilnefningar af myndunum en hún fékk verðlaun fyrir klippingu, tæknibrellur, búninga, list leikstjórn (art direction),  leikmynd og fékk Ben Burt auk þess sérstök verðlaun (special achievement adward) fyrir geimverur og vélmennaraddir sínar.

Episode VI: The Return of The Jedi, fékk fjórar tilnefningarnar, list leikstjórn, hljóð, tæknibrellur og hljóðbrellur. Hún vann engann Óskar en fékk sérstök verðlaun fyrir tæknibrellur. Forsögurnar Episode I-III fengu eina til þrjár tilnefningar um sig en unnu ekkert.

Sjá nánar hér um óskarana (allar myndirnar sex).

Force Awakens var tilnefnd á sínum tíma fyrir klippingu, hljóðklippingu, hljóðbrellur, tæknibrellur og tónlist (John Williams). Hún vann engann Óskar en vann hins vegar Bafta og Saturn verðlaun en Star Wars myndirnar unnu töluvert af öðrum verðlaunum, enda er Óskarinn ekki beint þekktur fyrir að vilja mikið vísindaskáldskáp eða fantasíur. Engu að síður er alltaf gaman að sjá Star Wars mynd fá þannig tilnefningu.

Það verður spennandi að sjá hvort að Rogue One hljóti Óskar en jafnvel þótt hún vinni ekkert mun hún vinna annars staðar en hún hefur þegar hlotið fullt af tilnefningum og einhver verðlaun, sjá nánar.

 

Rogue One komin yfir 800 milljónir

rogueonebattle
Rogue One er komin með 801.9 milljón dollara í tekjur á heimsvísu. Í Bandaríkjunum er hún með 440.9 milljón í tekjur og á öðrum stöðum í heiminum er hún með 361 milljón dollara. Í Bandaríkjunum er hún í öðru sæti yfir tekjuhæstu myndir fyrir árið 2016, Finding Dory er í fyrsta sæti með 486.3 milljónir. Rogue Oner er svo í sjöunda sæti á heimsvísu fyrir árið 2016.

Fyrsta helgin hjá Rogue One

Rogueoneanthology
Nú er liðin fyrsta helgin sem Rogue One var í kvikmyndahúsum í Bandaríkjunum og víða um heim. Myndinni gekk vel og var hún í fyrsta sæti með 290 milljón dollara í heildartekjur.

Í Bandaríkjunum var myndin með 155 milljón dollara í tekjur. Myndin fór fram úr væntingum Disney og verður spennandi að sjá hvernig hinum sjálfstæðu Star Wars myndum á eftir að ganga í framtíðinni. Tvær aðrar myndir munu verða gerðar og er önnur þeirra um Han Solo.