The Last Jedi: Rian segir…

Rian Johnsson leikstjóri The Last Jedi sem er væntanleg í desember, hefur verið duglegur að tjá sig um myndina án þess þó að gefa of mikið upp.

Hann hefur gefið upp eitt orð úr væntanlegum opnunartexta, því sem hann er hvað stoltastur að hafa komið fyrir, en það er “decimated” (sem er erfitt að þýða á íslensku en þýðir að hluta til eyðilagt).

Sem mikill Star Wars aðdáandi hefur hann sagt frá helstu innblástrum sínum og það vakti furðu marga að sú mynd í upprunalega þríleiknum (Episode 4-6) sem hann sótti hvað mest í, er Return of the Jedi en ekki Empire strikes back eins og fólk hefur ítrekað haldið fram, fyrst og fremst vegna þess að mörgum þótti The Force Awakens sækja það mikið í New Hope og vegna þess að The Last Jedi, er númer 2 í röðinni eins og Empire var á sínum tíma.

 

Hins vegar hefur Rian sagt að myndin verði ekki bara dökk eins og margir töldu, heldur vildi hann sækja í ævintýralegu spennuna sem er í The Return of the Jedi, sem hann man svo vel eftir þegar hann var tíu ára gutti að horfa á hana. Auk þess hefur hann sagt að útlitið sé að mestu fengið úr Forsögunum (1-3) enda eru þær myndir, útlitslega alger listaverk, þó að margir deila um innihaldið enda smekksatriði. En það breytir því ekki að Forsögurnar komu  með nýtt líf inn í Star Wars, sem heldur bara áfram að gefa.

Það verður því spennandi að sjá hvernig þessi blanda hjá Rian eigi eftir að koma út, þegar að myndin kemur loksins í kvikmyndahús 15.desember. En leikararnir hafa bara haft virkilega góða hluti um myndina segja, það er að segja það litla sem þeir hafa mátt segja um hana á þessu stigi. Hún stefnir því að vera alger veisla fyrir augað og önnur skilningarvit.

Þangað til að mynd sjálf kemur, er hægt að sjá hér “að tjaldabaki” og sýnishorn fyrir myndina (annað ítarlegra er væntanlegt í september/október) auk veggspjalda.

 

Um Rósa Grímsdóttir

Star Wars aðdáandi, kvikmyndargerðarkona, myndskreytir og rithöfundur.
Þessi færsla var birt undir Episode VIII : The Last Jedi, Fréttir, Fréttir um myndirnar, um myndirnar sem eru í vinnslu. Bókamerkja beinan tengil.